მიხეილ სააკაშვილის მიერ საქართველოში გატარებული რეფორმები უკრაინის ხელისუფლებისთვის სამაგალითოდ რჩება. ამ თემაზე უკრაინის ეკონომიკის მინისტრმა უკრაინა-ამერიკის ბიზნესფორუმზე სიტყვით გამოსვლისას ისაუბრა და განაცხადა, რომ ეს რეფორმები მასში შურს იწვევს.

`ჩვენ გვშურს მათი და გაოცებული ვარ, იმით რომ საქართველომ აიწია ინვესტიციურად მიმზიდველი ქვეყნების რეიტინგში, მთავრობამ დიდ წარმატებას მიაღწია კორუფციასთან ბრძოლაში და საკუთრების სფეროს ჩამოყალიბებაში,` - განაცხადა ვასილი ცუშკომ და აღნიშნა, რომ ამ წარმატებაში დიდი წვლილი მიუძღვის შეერთებული შტატების მიერ გაწეულ დახმარებას.

ინფორმაციის ვრცელი ვერსია იხილეთ სრულიადში...

ვენეციის კომისიის მიერ სტრასბურგში განხილვის შემდეგ მიღებულ საბოლოო დოკუმენტში ნათქვამია, რომ საქართველოს ახალ კონსტიტუციაში ყველა რეკომენდაციაა გათვალისწინებული.

ვენეციის კომისია საქართველოს ხელისუფლებასა და საკონსტიტუციო ცვლილებებზე მომუშავე კომისიასთან 6 თვის მანძილზე აქტიურად თანამშრომლობდა.

`ჩვენი შეხედულებით, კანონპროექტის საბოლოო ვარიანტი ხანგრძლივი ერთობლივი მუშაობის ნაყოფია. საბოლოო ვერსია წინა ვერსიებთან შედარებით საგრძნობლად გაუმჯობესებულია. რეფორმა პოზიტიურია. ვფიქრობ, ის ცვლილებები, რომლებიც კონსტიტუციაში შევიდა, მნიშვნელოვანი და დადებითია,` - განაცხადა ვენეციის კომისიის თავმჯდომარემ ტომას მარკერტმა.

ინფორმაციის ვრცელი ვერსია იხილეთ სრულიადში...

ვაშინგტონში კონდოლიზა რაისის წიგნის პრეზენტაია გაიმართა. შეერთებული შტატების ყოფილი სახელმწიფო მდივნის მემუარები წიგნების მაღაზიებში დღეიდან იყიდება. ეს რაისის მემუარების პირველი ტომია და მისი ბავშვობის მოგონებებს ეხება.

წიგნის სათაურია `არაჩვეულებრივი, ჩვეულებრივი ადამიანები`. მეორე ტომში, რომელიც 2011 წელს გამოვა, კონდოლიზა რაისი აპირებს პრეზიდენტ ბუშის ადმინისტრაციაში მუშაობის წლები აღწეროს, რომელმაც მას მსოფლიოს ყველაზე გავლენიანი ქალის ტიტული მოუტანა.

პრეზენტაციის დროს, კონდოლიზა რაისმა დამსწრე საზოგადოების კითხვებსაც უპასუხა. მან, როგორც სოვიეტოლოგმა, რუსეთის შესახებაც ილაპარაკა.

ინფორმაციის ვრცელი ვერსია იხილეთ სრულიადში...

რუსეთ-საქართველოს ურთიერთობებზე საქართველოს პრეზიდენტი უკრაინელი ჟურნალისტის შეკითხვებს პასუხობდა. დიმიტრი გორდონი მიხეილ საკაშვილს საათახევრის განმავლობაში სტუმრობდა. უკრაინელი ჟურნალისტი საქართველოს პრეზიდენტის პოლიტიკური ცხოვრების ყველა დეტალით დაინტერესდა. ინტერვიუ ქვეყანაში განხორცილებულ რეფორმებზე შეკითხვით დაიწყო.

კონტროლის პალატის დასკვნის საფუძველზე მთავარმა პროკურატურამ დააკავა შპს `კონგარის`ხელმძღვანელი ნუკრი ბურკაძე, რომელსაც ბრალი თანხების არამიზნობრივ ხარჯვაში ედება.

საუბარია ფინანსთა სამინისტროს მიერ გამოცხადებულ ტენდერზე, რომელშიც კომპანია `კონგარმა`გაიმარჯვა, თუმცა სატენდერო პირობები სრულად არ შეასრულა.

პროექტი ბიუჯეტის შესახებ ინფორმაციის შემცველი ბროშურების დაბეჭდვას და გავრცელებას ითვალისწინებდა. აუდიტმა დაასკვნა, რომ ბიუჯეტის პირდაპირმა ზარალმა 61 446 შეადგინა, ხოლო 322 600 ლარი არარეკომენდებულად და არამიზნობივად დაიხარჯა.