საქართველოს პრეზიდენტი ნიუ-იორკში `მილენიუმის` პროგრამის ხელმძღვანელს შეხვდა. მიხეილ სააკაშვილმა მას მადლობა გადაუხადა იმ დახმარებისათვის, რომელსაც `მილენიუმი` ქვეყანას უწევს.

375 მილიონი დოლარი, რომლითაც `ათასწლეულის განვითარების პროგრამა` საქართველოს ეხმარება, გათვალისწინებულია ქვეყანაში ინფრასტურქტურის განვითარებისთვის.

`ბატონო პრეზიდენტო, მინდა მადლობა გადაგიხადოთ თქვენ და თქვენს ადმინისტრაციას მხარდაჭერისთვის. იმისათვის, რომ თითქმის ყველა პროექტს დროულად ახორციელებთ. ძალიან კმაყოფილები ვართ იმ წარმატებით, რომელსაც ბოლო წლებში მიაღწიეთ. ეს იყო ჩვენ მიერ შეთავაზებული პროექტები, რომლებიც თავად ქართველებმა უნდა დანერგოთ. ძალიან ბედნიერები ვართ, რომ თქვენთან გვიხდება პარტნიორობა. მჯერა, რომ ეს ორივე მხარისათვის მომგებიანი იქნება,` - განაცხადა `მილენიუმ კორპორეიშენის` პრეზიდენტმა დენიელ იოჰანესმა.

ინფორმაციის ვრცელი ვერსია იხილეთ სრულიადში...

პარლამენტის ბიუროს სხდომაზე დეპუტატები 2011 წლის სახელმწიფო ბიუჯეტის პროექტზე იმსჯელებენ. როდის შეუდგება პარლამენტი საბიუჯეტო პროექტის განხილვას და როგორი იქნება დღის წესრიგი, ეს სწორედ ბიუროს სხდომაზე გადაწყდება.

პროექტი, რომელიც შეთანხმებულია საერთაშორისო საფინანსო ორგანიზაციასთან, პარლამენტს განსახილველად წინა კვირას გადაეცა.

საქართველოს პრეზიდენტის პრესსპიკერის მანანა მანჯგალაძის განცხადებით, საქართველო ვერ დაუჭერს მხარს რუსეთის მსოფლიო სავაჭრო ორგანიზაციაში გაწევრიანებას იქამდე, სანამ საქართველოს ხელისუფლების მიერ დაყენებული პირობები არ იქნება შესრულებული.

მისი თქმით, რუსეთს ამ დრომდე არ შუსრულებია ხელშეკრულების არც ერთი პუნქტი, მაშინ, როდესაც საქართველომ ყველაფერი შეასრულა.

ინფორმაციის ვრცელი ვერსია იხილეთ სრულიადში...

ლეიბორისტულმა პარტიამ საერთაშორისო სასამართლოში საქართველოს პრეზიდენტის მიხეილ სააკაშვილის დაპატიმრების მოთხოვნით სარჩელი გაგზავნა.

სარჩელის შინაარსი პარტიის ლიდერმა შალვა ნათელაშვილმა დღეს მედიას გააცნო და განაცხადა, რომ მათ ამით ხალხის შეკვეთა და თავისი დანაპირები შეასრულეს. 

ინფორმაციის ვრცელი ვერსია იხილეთ სრულიადში...

ქუთაისის თავისუფალ ინდუსტრიულ ზონასა და მეტალურგიულ და ტექსტილის ქარხნებს შორის თანამშრომლობის მემორანდუმები გაფორმდა.

ქართულ-უკრაინულ-ინდური მეტალურგიული ქარხანა 150 ადამიანს დაასაქმებს და 10 მილიონი ლარის ინვესტიციას განახორციელებს, ხოლო ქართულ-ეგვიპტურ ტექსტილის ქარხანაში ორი ათასი ადამიანი იმუშავებს და ამისთვის 5 მილიონიანი ინვესტიცია განხორციელდება.