საქართველოს პრეზიდენტი ნიუ-იორკში `მილენიუმის` პროგრამის ხელმძღვანელს შეხვდა. მიხეილ სააკაშვილმა მას მადლობა გადაუხადა იმ დახმარებისათვის, რომელსაც `მილენიუმი` ქვეყანას უწევს.

375 მილიონი დოლარი, რომლითაც `ათასწლეულის განვითარების პროგრამა` საქართველოს ეხმარება, გათვალისწინებულია ქვეყანაში ინფრასტურქტურის განვითარებისთვის.

მოსკოვის ყოფილი მერის, იური ლუჟკოვის, ირგვლივ დაწყებული სკანდალი კრიმინალურ საქმეს ემსგავსება. მოსკოვში, პოლიტიკური განცხადებების გარდა, უკვე გამოძიების დაწყების მოწოდებებიც ისმის.

ოპოზიცია, პირველ რიგში, აფხაზეთში, სამხრეთ ოსეთსა და უკრაინაში ლუჟკოვის კუთვნილი ქონების პრივატიზების კანონიერების გამოძიებას მოითხოვს.

ყოფილი მერის დანაშაულებრივ საქმიანობაზე თავდაპირველად ოპოზიცია ალაპარაკდა. დღეს პოლიტიკოსებს არასამთავრობოებიც შეუერთდნენ, რომლებმაც ლუჟკოვის თემას საგანგებო განხილვა მუძღვნეს.

სახალხო წარმომადგენლობითი კრების მოსამზადებელი კონფერენცია დასრულდა. ნინო ბურჯანაძის პარტიის ორგანიზებით ჩატარებულ შეხვედრაზე საზოგადოებისა და ოპოზიციური პარტიების წარმომადგენლების მხოლოდ ნაწილი მივიდა.

ოპოზიციის ლიდერები დღეს აცხადებდნენ, რომ ან მიწვევა არ მიუღიათ, ან არ იზიარებენ ბურჯანაძის შეხედულებებს.

`ჩვენი  საქართველო - თავისუფალი დემოკრატები` აცხადებენ, რომ პატიმრობის კოდექსი არაერთ ხარვეზს შეიცავს და ევროსასამართლოს მიერ დადგენილ სტანდარტებს არ აკმაყოფილებს და ის შესაბამისად, ამ ფორმით ძალაში არ უნდა შევიდეს.

პარტიის წარმომადგენელთა განმარტებით, ამ კოდექსის მუხლები, რომლებიც შეეხება პატიმართა პირველად და შემდგომ სამედიცინო შემოწმებას, მათ სამედიცინო დახმარებას, საცხოვრებელ ფართობსა და საკნებში განცალკევებას, არ შეესაბამება ევროპული სასამართლოს მითითებებსა და პრინციპებს. ძველი კანონის მსგავსად, არც ახალი კოდექსი აქცევს საკმარის ყურადღებას უვადოდ თავისუფლებააღკვეთილ პატიმრებს.

საქართველოს პრეზიდენტმა, მიხეილ სააკაშვილმა ქართველ კათოლიკეებს შობის დღესასწაული მიულოცა.  პრეზიდენტი კათოლიკურ ეკლესიაში გუშინ 00:00 საათზე მივიდა და იქ მყოფთ სიტყვითაც მიმართა.

როგორც პრეზიდენტმა აღნიშნა, ქართველი კათოლიკეები მრავალრიცხოვან საინტერესო ჯგუფს წარმოადგენენ, საქართველოს კი ბევრი პატრიოტი კათოლიკე ჰყავდა.