რუსეთის მოსახლეობა ქვეყანაში თავისუფალი არჩევნების ჩატარებას ითხოვს. ოპოზიციის მასშტაბური აქცია მოსკოვში ერთ-ერთ ცენტრალურ მოედანზე გაიმართა.

ორგანიზატორების თქმით, დემონსტრაციას იმაზე მეტი ოპოზიციური პარტია შეურთდა, ვიდრე ელოდნენ. ქუჩაში 500-მდე ადამიანი იყო გამოსული.

`საქართვლოს მიზანი თავისუფალი, სტაბილური და ერთიანი კავკასიაა,`- ეს ის მთავარი გზავნილია მსოფლიოსადმი, რომელიც საქართველოს პრეზიდენტმა გაეროს უმაღლესი ტრიბუნიდან გააკეთა.

მიხეილ სააკაშვილის გამოსვლა გაერთიანებული ერების ორგანიზაციის 65-ე გენერალური ასამბლეის სესიაზე თითქმის ნახევარ საათს გაგრძელდა.

საკუთარ სიტყვაში პრეზიდენტმა მთავარი აქცენტი კონფლიქტების მშვიდობიან მოწესრიგებაზე გააკეთა და განაცხადა, რომ 2 წლის წინ გადატანილი ომისა და რუსული აგრესიის მიუხედავად, საქართველო გადარჩა და ფეხზე დადგა, როგორც დამოუკიდებელი და დემოკრატიული სახელწიფო.

ინფორმაციის ვრცელი ვერსია იხილეთ სრულიადში...

საქართველოს საგარეო საქმეთა მინისტრი გრიგოლ ვაშაძე გაეროს გენერალური ასამბლეის ფარგლებში ევროკავშირის წევრი სახელმწიფოების საგარეო საქმეთა სამინისტროების პოლიტიკურ დირექტორებს შეხვდა.

ვაშაძემ ევროპელ დიპლომატებს გააცნო საქართველოს საგარეო პოლიტიკის პრიორიტეტები უახლოესი ერთი წლის განმავლობაში. ყურადღება გამახვილდა საქართველოს ევროკავშირთან მაქსიმალურად დაახლოების პერსპექტივებზე და უახლოეს მომავალში გადასადგმელ ნაბიჯებზე, ასევე საქართველოს ნატოში ინტეგრაციის პროცესის დაჩქარებაზე.

ვრცელი ინფორმაციის სანახავად შებრძანდით სრულიადში...

საქართველოს პრეზიდენტი მიხეილ სააკაშვილი ამერიკის შეერთებულ შტატებში გაემგზავრა და მონაწილეობას მიიღებს გაეროს გენერალური ასამბლეის მაღალი დონის დებატებაში. 23 სექტემბერს კი ნიუ-იორკში გაეროს გენერალური ასამბლეის გენერალურდებატებზე ის სიტყვით გამოვა.

რუსეთის თავდაცვის მინისტრმა ანატოლი სერდიუკოვმა ვაშინგტონში ვიზიტისას განაცხადა, რომ საქართველოს მხრიდან აფხაზეთისა და სამხრეთ ოსეთის წინააღმდეგ შესაძლო აგრესიას რუსეთი მინიმალურ ვადებში აღმოფხვრის.

მინისტრის თქმით, ამისთვის ხუთ დღეზე ნაკლები იქნება საკმარისი, რადგან ამ რეგიონებში არსებული ბაზები ამის საშუალებას იძლევა.

ვრცელი ინფორმაციის სანახავად შებრძანდით სრულიადში...

აშშ-ში ვიზიტის ფარგლებში საქართველოს პარლამენტის თავმჯდომარე დავით ბაქრაძემ ძირითადი ვიზიტები კონგრესში, ეროვნული უშიშროების საბჭოსა და სახელმწიფო დეპარტამენტში  დაასრულა. შეხვედრებზე საუბარი შეეხო შტატების მხრიდან საქართველოს დეოკუპაციის  მოთხოვნის შემცველი რეზოლუციის მიღების მზადყოფნას.

პირისპირ  შეხვედრებისას ბაქრაძემ კონგრესმენ ნენსი ჰასტინგსთან  დასვა ოკუპირებულ ტერიტორიებზე უცხოელი დამკვირვებლების დაშვების საკითხი. ამავე საკითხზე პარლამენტის თავმჯდომარე კონგრესის საქართველოსთან ურთიერთობის ქვეკომიტეტის თავჯდომარეს ელისონ შვარცსაც ესაუბრა.

ვრცელი ინფორმაციის სანახავად შებრძანდით სრულიადში...

ჰააგის სასამართლოში რუსეთის წინააღმდეგ საქართველოს სარჩელის არსებით განხილვასთან დაკავშირებით მოსმენები დღეს დასრულდება. როგორც ქართული, ისე რუსული მხარის წარმომადგენლები სხდომაზე საბოლოო სიტყვით გამოვლენ.

მოსკოვი იმედოვნებს, რომ ჰააგის საერთაშორისო სასამართლო საქართველოს მიერ რუსეთის წინააღმდეგ შეტანილ სარჩელს არ განიხილავს. ამის შესახებ რუსეთის საგარეო საქმეთა მინისტრმა სერგეი ლავროვმა მედიას განუცხადა. იგი საქართველოს პრობლემის ხელოვნურად შექმნაში ადანაშაულებს.

ვრცელი ინფორმაციის სანახავად შებრძანდით სრულიადში...

ვენეციის კომისიის წევრებმა კონსტიტუციაზე მომუშავე კომისიის თავმჯდომარესთან შეხვედრა გამართეს. ავთანდილ დემეტრაშვილმა მათ კანონპროექტის დეტალები წარუდგინა და მათ მიერ შეთავაზებული რეკომენდაციების შესრულებაზეც გაამახვილა ყურადღება. 

საკონსტიტუციო კომისიის წევრებთან შეხვედრისას, ვენეციის კომისიის წევრებმა დადებითად შეაფასეს მთავარი ცვლილება, რომელიც ხელისუფლების შტოებს შორის ძალთა თანაბარ გადანაწილებას ეხება. ახალ რეკომენდაციებსა და შემაჯამებელ დასკვნას კი კომისია ოქტომბრის შუა რიცხვებში გამოაქვეყნებს.

ვრცელი ინფორმაციის სანახავად შებრძანდით სრულიადში...

საქართველოს პარლამენტში კი ევროსაბჭოს იურიდიულ საკითხთა და ადამიანის უფლებათა დაცვის კომიტეტის სხდომა გრძელდება. მთავარი თემა საქართველოს კონსტიტუციაში შესატანი ცვლილებებია. სხდომას არ ესწრება ევროსაბჭოს რუსეთის წარმომადგენლობა. ეს გადაწყვეტილება მათ პროტესტის ნიშნად მიიღეს.

დღევანდელი შეხვედრა საკანონმდებლო ორგანოში პარლამენტის პირველმა ვიცე-სპიკერმა მიხეილ მაჭავარიანმა გახსნა.

ვრცელი ინფორმაციის სანახავად შებრძანდით სრულიადში...

საქართველოს პრეზიდენტის ვიზიტი ბრიუსელში დასრულებულია. ბოლო შეხვედრა მიხეილ სააკაშვილმა ევროპარლამენტის საგარეო საქმეთა კომიტეტის თავმჯდომარესთან გამართა. გაბრიელე ალბერტინისთან მიხეილ სააკაშვილმა მიმდინარე საკითხები განიხილა. საუბარი შეეხო საქართველო-ევროგაერთიანების ურთიერთობებს, ასოცირებულ წევრობას, თავისუფალ სავაჭრო ხელშეკრულებას, ოკუპირებულ რეგიონებს, ასევე უსაფრთხოების საკითხებში თანამშრომლობას. საქართველოს პრეზიდენტმა ქვეყანაში მიმდინარე რეფორმებზეც გაამახვილა ყურადღება.

ვრცელი ინფორმაციის სანახავად შებრძანდით სრულიადში...

საქართველოს კონსტიტუციის ახალ პროექტთან დაკავშირებით საკუთარი შენიშვნები ქრისტიან-დემოკრატიული მოძრაობის ლიდერებმადღეს დიპლომატიურ კორპუსს გააცნეს.ფრაქციის წევრები დიპლომატებს პარლამენტში შეხვდნენ და მათ გარკვეული შენიშვნები და ალტერნატიული წინადადებები გაუზიარეს.

ქრისტიან-დემოკრატების განცხადებით, მთავარია ყველა ცვლილება, რომელიც კონსტიტუციაში შევა, განხორცილედეს. გიორგი თარგამაძის თანაგუნდელები საერთაშორისო დიპლომატების მხრიდან ყურადღების და მათი ინფორმირებულობის აუცილებლობაზე საუბრობენ.