ბერნარ კუშნერი თბილისში კავკასიის ფრანგულ სკოლასაც ეწვია. საფრანგეთის საგარეო საქმეთა მინისტრმა ახლად გახსნილი სასწავლებელი დაათვალიერა.

თანამდროვე სტანდარტებით აღჭურვილი სკოლის მშენებლობა მაისში დასრულდა. სწავლება მხოლოდ ფრანგულ ენაზე იქნება. ახალ სასწავლო წელს სკოლა პირველ ნაკადს მიიღებს. სკოლაში შექმნილი გარემო დღეს ბერნარ კუშნერმაც შეაფასა.

`მე ვამაყობ იმ ადამიანებით, რომლებმაც ეს სკოლა ააშენეს. არაჩვეულებრივი სასწავლებელია, ნამდვილად მოხიბლული დავრჩი. ის გათვლილია მოსწავლეებზე დაწყებითი კლასებიდან ბოლომდე. ყველას გირჩევთ, თქვენი შვილები ამ სკოლაში მოიყვანოთ სასწავლებლად,` - თქვა კუშნერმა.