რუსეთის სახელმწიფო სათათბიროს დეპუტატი და საერთაშორისო ურთიერთობათა კომიტეტის წევრი სემიონ ბაღდასაროვი იმედოვნებს, რომ "ოდესღაც რუსეთსა და სომხეთს ერთი საზღვარი ექნებათ".

"სომხეთი სამხრეთ კავკასიაში რუსეთის ერთადერთი მოკავშირე ქვეყანაა და იმედი მაქვს, რომ ოდესღაც ამ ორ ქვეყანას საერთო საზღავარი ექნება", - განაცხადა დეპუტატმა ერევანსა და მოსკოვს შორის ტელეხიდის მიმდინარეობისას.

მისივე თქმით, საქართველო ქვეყანაში მცხოვრები ნაციონალური და რელიგიური უმცირესობების მიმართ მტრულ პოლიტიკას ატარებს.

"თუ საქართველომ მომავალშიც გააგრძელა მტრული და აგრესიული პოლიტიკა, რატომ არ შეიძლება ვიფიქროთ აფხაზეთი-ფოთი-აჭარა-ჯავახეთის დერეფანზე? ამერიკელები ამას დიდი ხნის წინ გააკეთებდნენ, მაგრამ ჩვენ ამ მხრივ მოკრძალებულად ვიქცევით. იმედია, დროთა განმავლობაში ეს მოკრძალებულობა გაივლის", - განაცხადა ბაღდასაროვმა.