ინფორმაციის ვრცელი ვერსია იხილეთ სრულიადში...

პრეზიდენტმა დღეს სასტუმრო `ჰოლიდეი ინი` დაათვალიერა. სასტუმროში ბოლო სამზადისი მიმდინარეობს და უახლოეს პერიოდში მისი გახსნა იგეგმება.

4-ვარსკვლავიანი ბრენდი 253 სასტუმრო ოთახს მოიცავს. სულ ინვესტიციების სახით ამ ობიექტზე 28 მილიონი დოლარი ჩაიდო. სამუშაოები ქართული ინვესტიციით ჩატარდა.

ინფორმაციის ვრცელი ვერსია იხილეთ სრულიადში...

მიხეილ სააკაშვილის მიერ საქართველოში გატარებული რეფორმები უკრაინის ხელისუფლებისთვის სამაგალითოდ რჩება. ამ თემაზე უკრაინის ეკონომიკის მინისტრმა უკრაინა-ამერიკის ბიზნესფორუმზე სიტყვით გამოსვლისას ისაუბრა და განაცხადა, რომ ეს რეფორმები მასში შურს იწვევს.

`ჩვენ გვშურს მათი და გაოცებული ვარ, იმით რომ საქართველომ აიწია ინვესტიციურად მიმზიდველი ქვეყნების რეიტინგში, მთავრობამ დიდ წარმატებას მიაღწია კორუფციასთან ბრძოლაში და საკუთრების სფეროს ჩამოყალიბებაში,` - განაცხადა ვასილი ცუშკომ და აღნიშნა, რომ ამ წარმატებაში დიდი წვლილი მიუძღვის შეერთებული შტატების მიერ გაწეულ დახმარებას.

ინფორმაციის ვრცელი ვერსია იხილეთ სრულიადში...

ვენეციის კომისიის მიერ სტრასბურგში განხილვის შემდეგ მიღებულ საბოლოო დოკუმენტში ნათქვამია, რომ საქართველოს ახალ კონსტიტუციაში ყველა რეკომენდაციაა გათვალისწინებული.

ვენეციის კომისია საქართველოს ხელისუფლებასა და საკონსტიტუციო ცვლილებებზე მომუშავე კომისიასთან 6 თვის მანძილზე აქტიურად თანამშრომლობდა.

`ჩვენი შეხედულებით, კანონპროექტის საბოლოო ვარიანტი ხანგრძლივი ერთობლივი მუშაობის ნაყოფია. საბოლოო ვერსია წინა ვერსიებთან შედარებით საგრძნობლად გაუმჯობესებულია. რეფორმა პოზიტიურია. ვფიქრობ, ის ცვლილებები, რომლებიც კონსტიტუციაში შევიდა, მნიშვნელოვანი და დადებითია,` - განაცხადა ვენეციის კომისიის თავმჯდომარემ ტომას მარკერტმა.

ინფორმაციის ვრცელი ვერსია იხილეთ სრულიადში...

ვაშინგტონში კონდოლიზა რაისის წიგნის პრეზენტაია გაიმართა. შეერთებული შტატების ყოფილი სახელმწიფო მდივნის მემუარები წიგნების მაღაზიებში დღეიდან იყიდება. ეს რაისის მემუარების პირველი ტომია და მისი ბავშვობის მოგონებებს ეხება.

წიგნის სათაურია `არაჩვეულებრივი, ჩვეულებრივი ადამიანები`. მეორე ტომში, რომელიც 2011 წელს გამოვა, კონდოლიზა რაისი აპირებს პრეზიდენტ ბუშის ადმინისტრაციაში მუშაობის წლები აღწეროს, რომელმაც მას მსოფლიოს ყველაზე გავლენიანი ქალის ტიტული მოუტანა.

პრეზენტაციის დროს, კონდოლიზა რაისმა დამსწრე საზოგადოების კითხვებსაც უპასუხა. მან, როგორც სოვიეტოლოგმა, რუსეთის შესახებაც ილაპარაკა.

ინფორმაციის ვრცელი ვერსია იხილეთ სრულიადში...