პრეზიდენტმა დღეს სასტუმრო `ჰოლიდეი ინი` დაათვალიერა. სასტუმროში ბოლო სამზადისი მიმდინარეობს და უახლოეს პერიოდში მისი გახსნა იგეგმება.

4-ვარსკვლავიანი ბრენდი 253 სასტუმრო ოთახს მოიცავს. სულ ინვესტიციების სახით ამ ობიექტზე 28 მილიონი დოლარი ჩაიდო. სამუშაოები ქართული ინვესტიციით ჩატარდა.

პრეზიდენტმა აღნიშნა, რომ მსგავსი ობიექტების მშენებლობა ტურიზმის სფეროს გავითარებისათვის განსაკუთრებულად მნიშვნელოვანია.

სასტუმროში სულ 150 ადამიანია დასაქმებული. მასში არის სავაჭრო ობიქტები, ასევე იმუშავებს ბიზნესცენტრი, იფუნქციონირებს საკონფერენციო დარბაზები.

`ჰოლიდეი ინში` ბანკების ფილიალები 24-საათიანი სამუშაო გრაფიკით იმოქმედებენ.