ჟენევის დისკუსიები უსაფრთხოების, სტაბილურობისა და ჰუმანიტარულ სფეროებში შესაძლო გადაწყვეტილებების განხილვის მნიშვნელოვანი სტრუქტურაა, - განაცხადა ეუთოს თავმჯდომარემ ბოლატ ნურგალიევმა.

`ჟენევის პროცესის ამოცანები უცვლელია და აუცილებელი შერიგების პროცესისთვის. ღრმად ვარ დარწმუნებული, რომ ინციდენტების პრევენციისა და მათზე რეაგირების მექანიზმს აქვს პოტენციალი პოზიტიური გავლენა მოახდინოს ბევრი ადამიანის ყოველდღიურ ცხოვრებაზე,`- ნათქვამია ორგანიზაციის ოფიციალურ ვებგვერდზე გამოქვეყნებულ განცხადებაში.

დოკუმენტის თანახმად, ეუთო მზადაა სხვადასხვა პრაქტიკულ პროექტზე, მათ შორის, ზონკარის დამბის შეკეთებაზე მუშაობის დასაწყებად, რაც ნდობის აღდგენას შეუწყობს ხელს.