დედაქალაქში ახალი პროექტების განხორციელების მიზნით, თბილისის მერი დღეს ბიზნესმენებსა და საერთაშორისო სავაჭრო პალატის წარმომადგენლებს შეხვდა.

გიგი უგულავამ სტუმრებს ის პროექტებიც გააცნო, რომლებიც თბილისში მომდევნო რამდენიმე წლის განმავლობაში უნდა დასრულდეს. პროექტების ძირითადი ნაწილი ახალ მშენებლობებს ეხება. უკვე ცნობილია, რომ თბილისში რამდენიმე მასშტაბური მაგისტრალის, ხიდისა და სასტუმროს აგებაა დაგეგმილი.

საქართველოში ახალი ინვესტიციების მოსაზიდად ეკონომიკისა და მდგრადი განვითარების მინისტრი მოლაპარაკებებს შეერთებულ შტატებში მართავს. ვერა ქობალია კალიფორნიაში იმყოფება. იგი უკვე ესტუმრა რამდენიმე მსხვილ ამერიკულ კომპანიას.

`ფრანს პრესის` შემდეგ ვრცელი სტატია აჭარის რეგიონის შესახებ `ნიუ-იორკ ტაიმსშიც` გამოქვეყნდა.

ავტორი  -  დინა სპრიცერი მკითხველს განახლებული ბათუმის ყველა ღირსშესანიშნაობას აცნობს.

`ერთ დროს მოძველებულ საკურორტო ქალაქში, რომელიც თურქეთის საზღვრიდან 12 მილის დაშორებით მდებარეობს, ბოლო წლების განმავლობაში არა მარტო წყალმომარაგება და ელექტროსისტემა მოწესრიგდა, არამედ ბევრ ძველ შენობას რეკონსტრუქცია ჩაუტარდა, დასრულდა სანაპიროს გაფართოების პროექტიც, რომელიც მთავრობის მიერ ინფრასტრუქტურაში ჩადებული 103-მილიონიანი

ინვესტიციის ნაწილია,` - ნათქვამია სტატიაში.

სრული ინფორმაცია იხილეთ სრულიადში...