მინისტრთა კაბინეტი სხდომაზე დღეს მთავრობის შემადგენლობა 29 საკითხის განხილვაზე მუშაობდა. მათ შორის პრიორიტეტული ეკონომიკური ასპექტები - ინფლაცია და ეკონომიკური ზრდა იყო. მთავარი მომხსენებელი ამ საკითხებზე დღეს თავად პრემიერ-მინისტრი იყო.

ნიკა გილაურის განცხადებით, 2010 წლის მეორე კვარტალში ეკონომიკის ზრდის ტენდენციაა და პირდაპირმა საგარეო ინვესტიციამ საქართველოში 280 მილიონი დოლარი შეადგინა. მატებაა ექსპორტისა და მთლიანი შიდა პროდუქტის მაჩვენებლის მიხედვითაც.

პრემიერმა ისაუბრა ინფლაციასა და ფასების მომატებასთან დაკავშირებით და აღნიშნა რომ ამ პრობლემაზე მთავრობა მუშაობს და ქვეყანისათვის ხორბლის ალტერნატიული მომწოდებლები არიან მოძებნილი.