საქართველოს განათლებისა და მეცნიერების მინისტრი დიმიტრი შაშკინი, ი. ჯავახიშვილის სახელობის თბილისის სახელმწიფო უნივერსიტეტის რექტორი გიორგი ხუბუა და ეროვნული სამეცნიერო ბიბლიოთეკის დირექტორი ირაკლი ღარიბაშვილი თსუ-ს საუნივერსიტეტო ბიბლიოთეკის 62 სპეციალისტისათვის სერტიფიკატების გადაცემის ღონისძიებას დაესწრნენ.

თსუ-ს ხელმძღვანელობის დაკვეთით, სასწავლებლის ბიბლიოთეკარებმა პროფესიული გადამზადება ეროვნული სამეცნიერო ბიბლიოთეკის კვალიფიკაციის ამაღლების მუდმივმოქმედ სასწავლო ცენტრში გაიარეს.

`საქართველოში საინვესტიციო გარემო უნიკალურია, შეგიძლიათ ჩამოხვიდეთ და ამაში თავად დარწმუნდეთ,`- ამის შესახებ საქართველოს პრეზიდენტმა მიხეილ სააკაშვილმა ჰარვარდის კლუბში გამოსვლისას განაცხადა, რომელსაც ობამას ადმინისტრაციის წარმომადგენლები, ასევე გაეროს გენერალურ ასამბლეაზე ჩასული ქვეყნების პირველი პირები ესწრებოდნენ.

`ჩვენ უნდა მივაღწიოთ წარმატებას ყველა სირთულის მიუხედავად. შეხედეთ, რა გეოპოლიტიკური მდებარეობა აქვს ქვეყანას, რა პრობლემების წინაშე დგას და მაინც ყველაზე დიდი ზრდა ამ წელს ინვესტიციების თვალსაზრისით გვქონდა. დონალდ ტრამპმა თბილისის ცენტრში ცათამბჯენის აშენების შესახებ განაცხადა. ჩვენთან უნიკალური ატმოსფეროა. ეს იგრძნობა და სწორედ ამას აქვს მნიშვნელობა. მე მინდა მოგიწოდოთ, რომ ჩამოხვიდეთ და საკუთარი თვალით ნახოთ, რაზეც გესაუბრებით. ვიცი, ძალიან მოუცლელები ხართ, მაგრამ საქართველო არც ისე შორია, როგორც გგონიათ,`- აღნიშნა სააკაშვილმა.

იანვრიდან თბილისის საპილოტე სკოლებში ცეკვისა და მუსიკის გაკვეთილების ინტეგრირებული სწავლებაც დაიწყება; შეიცვლება შეფასების სისტემა. მოსწავლეები სამი კომპონენტით შეფასდებიან. ესენია: საშინაო, საკლასო და შემაჯამებელი დავალებები.

საქართველოს პრეზიდენტმა დღეს ქუთაისში კადეტთა კორპუსის სასწავლო ცენტრი გახსნა. ახალგაზრდა ოფიცრების მოსამზადებელი ცენტრი ავტოქარხნის დასახლებაში ამოქმედდა. სიტყვით გამოსვლისას მიხეილ სააკაშვილმა მსოფლიო ისტორიიდან რამდენიმე მაგალითი გაიხსენა და ის ცნობილი ადამიანები ჩამოთვალა, რომლებიც სხვა ქვეყნებისა და მმართველებისთვის წირავდნენ თავს და მათთვის გამარჯვებას მოიპოვებდნენ. პრეზიდენტმა აღნიშნა რომ ახალ თაობას ეძლევა შანსი გამოიჩინოს თავი და გახდეს საქართველოსთვის მებრძოლი.

მთელი მასალის სანახავად შებრძანდით სრულიადში...