საქართველოს კათალიკოს-პატრიარქმა ილია მეორემ და საქართველოს  განათლებისა  და მეცნიერების მინისტრმა დიმიტრი შაშკინმა წმინდა კეთილმსახური მეფის თამარის სახელობის სკოლა-პანსიონის მოსწავლეებს ახალი სასწავლო წლის დაწყება მიულოცეს. 

2010 წელს სკოლა-პანსიონი უწმინდესისა და უნეტარესის ილია მეორეს ლოცვა-კურთხევით დაფუძნდა და  მეურვეობას თავად კათალიკოს -პატრიარქი უწევს. სკოლა-პანსიონში, სადაც 400 ბავშვი სწავლობს, სწავლა ეროვნული სასწავლო გეგმით მიმდინარეობს. სასწავლო პროგრამაში გათვალისწინებულია ასევე დავიწყებას მიცემული ძველი ქართული სახელოვნებო და სახელობო სწავლება.

სკოლა-პანსიონში 2011 წლის ზაფხულში საზაფხულო სკოლები გაიხსნება, სადაც თურქეთში, ირანსა და საინგილოში მცხოვრები ბავშვები ისწავლიან.