ჟურნალმა
Esquire თავის საიტზე ვებ-ბმული "მოლაპარაკე პუტინი" განათავსა, რომელიც
პრემიერ-მინისტრის გამოსვლების ფრაგმენტთა კონსტრუქტორს წარმოადგენს. ამით
საიტის მომხმარებელს საშუალება აქვს, პუტინი სურვილისამებრ ალაპარაკოს.
როგორც
გამოცემაში აცხადებენ, "ეს ერთადერთი ადგილია, სადაც პრემიერ-მინისტრი
ვლადიმერ პუტინი ამბობს სწორედ იმას, რისი გაგებაც მოქალაქეებს მისგან
სურთ".
ჩვეულებრივი სიტყვების გარდა, "კონსტრუქტორით" შესაძლებელია
პუტინს ათქმევინოთ ისეთი ფრაზები, როგორიცაა: "ოქროს კბილები", "დავიჭერთ
და დავსჯით", "შავად შევღებავთ", "ბოლომდე გავანადგურებთ", "მინიმალური
ადმინისტრაციული ხარჯებით". ვირტუალური პუტინის სიტყვათა მარაგშია ასევე:
"სტალინი", "ღმერთი", "რეპრესიები", "ლამბორგინი" და "კრიზისი".
არასწორი
ინტონირებისა და სიტყვათა მარაგის სიმცირის გამო ვირტუალური პუტინის
სიტყვით გამოსვლები, უმეტეს შემთხვევაში, არცთუ მთლად დამაჯერებლად
გამოიყურება, თუმცა წარმოდგენილი კრებულით მაინც შესაძლებელია აზრიანი
წინადადებების აგება.
მომზადებულია newsru.com-ის მიხედვით.
