საქართველოს საგარეო საქმეთა მინისტრი გრიგოლ ვაშაძე გაეროს გენერალური ასამბლეის ფარგლებში ევროკავშირის წევრი სახელმწიფოების საგარეო საქმეთა სამინისტროების პოლიტიკურ დირექტორებს შეხვდა.

ვაშაძემ ევროპელ დიპლომატებს გააცნო საქართველოს საგარეო პოლიტიკის პრიორიტეტები უახლოესი ერთი წლის განმავლობაში. ყურადღება გამახვილდა საქართველოს ევროკავშირთან მაქსიმალურად დაახლოების პერსპექტივებზე და უახლოეს მომავალში გადასადგმელ ნაბიჯებზე, ასევე საქართველოს ნატოში ინტეგრაციის პროცესის დაჩქარებაზე.

ვრცელი ინფორმაციის სანახავად შებრძანდით სრულიადში...

`საქართველოში საინვესტიციო გარემო უნიკალურია, შეგიძლიათ ჩამოხვიდეთ და ამაში თავად დარწმუნდეთ,`- ამის შესახებ საქართველოს პრეზიდენტმა მიხეილ სააკაშვილმა ჰარვარდის კლუბში გამოსვლისას განაცხადა, რომელსაც ობამას ადმინისტრაციის წარმომადგენლები, ასევე გაეროს გენერალურ ასამბლეაზე ჩასული ქვეყნების პირველი პირები ესწრებოდნენ.

`ჩვენ უნდა მივაღწიოთ წარმატებას ყველა სირთულის მიუხედავად. შეხედეთ, რა გეოპოლიტიკური მდებარეობა აქვს ქვეყანას, რა პრობლემების წინაშე დგას და მაინც ყველაზე დიდი ზრდა ამ წელს ინვესტიციების თვალსაზრისით გვქონდა. დონალდ ტრამპმა თბილისის ცენტრში ცათამბჯენის აშენების შესახებ განაცხადა. ჩვენთან უნიკალური ატმოსფეროა. ეს იგრძნობა და სწორედ ამას აქვს მნიშვნელობა. მე მინდა მოგიწოდოთ, რომ ჩამოხვიდეთ და საკუთარი თვალით ნახოთ, რაზეც გესაუბრებით. ვიცი, ძალიან მოუცლელები ხართ, მაგრამ საქართველო არც ისე შორია, როგორც გგონიათ,`- აღნიშნა სააკაშვილმა.

ძიუდოს ფედერაციის აღმასრულებელი კომიტეტის სხდომამ საქართველოს ძიუდოისტთა ნაკრების მთავარ მწვრთნელად სოსო ლიპარტელიანი დაამტკიცა.

ძიუდოს ფედერაციაში მომხდარი ცვლილებები ტოკიოში მსოფლიო ჩემპიონატზე მომხდარ ინციდენტს უკავშირდება. საქართველოს ძიუდოისტთა ნაკრების ლიდერი ირაკლი ცირეკიძე საჭიდაოდ მწვრთნელთა დაუდევრობის გამო ვერ გავიდა.