მსოფლიოში უდიდესი სოციალური ქსელი Facebook ელ-ფოსტის სერვისს მომხმარებელს 15 ნოემბრიდან შესთავაზებს. ინფორმაციას ამის შესახებ ინტერნეტ-გამოცემა TechCrunch ანონიმურ წყაროებზე დაყრდნობით ავრცელებს.
ცნობილი ხდება ასევე ის ფაქტიც, რომ ამავე დღეს სოციალური ქსელის დამფუძნებელის მარკ ცუკერბერგი სან-ფრანცისკოში პრესკონფერენციის გამართვას გეგმავს. ჯერ-ჯერობით უცნობია თემა, რომელზეც ცუკერბერგი ისაუბრებს. არაოფიციალური ინფორმაციით, შეხვედრა სწორედ ახალი სერვისი პრეზენტაციას დაეთმობა, რომლის კოდური სახელწოდება Facebook Titan-ია.
ცნობილი ხდება ასევე ის ფაქტიც, რომ აღნიშნული სერვისით სარგებლობა ყველა Facebook-ელს შეეძლება და მათი ელექტრონული მისამართები @facebook.com-ით დასრულდება.
თავდაპირველად აღნიშნულ პროექტზე ცნობილი მიმდინარე წლის თებერვალში გახდა. მოსალოდნელია, რომ სერვისს 500 მილიონი პოტენციური მომხმარებელი ჰყავს. სწორედ ეს არის იმ ადამიანთა რიცხვი, რომელებიც Facebook-ით სარგებლობენ.