ამერიკულმა კომპანია Motorola-მ, 2006 წლის მიწურულიდან დღემდე, პირველად უჩვენა შემოსავლების ზრდა. Motorola-მ მესამე კვარტალში  $5,8 მლრდ-ის შემოსავალი მიიღო. ეს მაჩვენებელი 6%-ით მეტია გასული წლის შედეგებთან შედარებით, როცა კომპანიის შემოსავალი $5,4 მლრდ-ს არ აღემატებოდა.
სუფთა მოგება  ცხრაჯერ გაიზარდა- $12 მლნ-დან (გასულ წელს) $109 მლნ-მდე (მიმდინარე წელს).
ფინანსური მაჩვენებლის სწრაფ ზრდას, პირველ რიგში, ხელი შეუწყო სმარტფონების გაყიდვამ, რომლებიც OS Google Android-ის მართვის ქვეშ მუშაობდნენ.
Motorola-მ, წლის დასაწყისში,  "გუგლფონების” 22 მოდელი დააანონსა, რის შედეგადაც, მესამე კვარტალში, სმარტფონების გაყიდვა 3,8 მლნ ერთეულამდე გაიზარდა.
მიმდინარე წელს კომპანიამ  9,1 მლნ მობილური აპარატის რეალიზება მოახერხა და შესაბამისად  $2 მლრდ მიიღო. გასულ წელს გაყიდვების რაოდენობა შედარებით მეტი იყო - 13,6 მლნ მოწყობილობა, თუმცა გაყიდული აპარატების ძირითად ნაწილს იაფფასიანი მოდელები შეადგენდა, ამიტომ შემოსავალი $1,7 მლრდ-ს ვერ გადასცდა.