5:09 PM მალაიზიაში დაკავებულ ქართველებს ადვოკატებს აუყვანენ | |
ქართული მხარე მზადაა, მალაიზიაში დაკავებულ საქართველოს მოქალაქეებს ადვოკატი დაუქირაოს. `თუ ჩვენ მოგვეცემა საშუალება, რომ დაკავებულ ქართველებს ქართველი ადვოკატი დავუნიშნოთ, ან საქართველოს მიერ დაქირავებული, ჩვენ ამისთვის მზად ვართ,`- განაცხადა საქართველოს საგარეო საქმეთა მინისტრის მოადგილე ნინო კალანდაძემ დღეს გამართულ ტრადიციულ ბრიფინგზე. მისივე განმარტებით, მიუხედავად იმისა, რომ საქართველოსა და მალაიზიას შორის ექსტრადაციის შესახებ შეთანხმება არ არსებობს, ოფიციალური თბილისი `ყველაფერს გააკეთებს, რომ დაკავებული მოქალაქეების მინიმუმ სამართლებრივი დაცვა მაინც მოხდეს`. საქართველოს ორი მოქალაქე მალაიზიაში ტურისტული ვიზით თბილისიდან გაემგზავრა. მათ ნარკოტიკების დიდი რაოდენობით გადატანაში სდებენ ბრალს. ადგილობრივი კანონმდებლობით კი აღნიშნული დანაშაული სასჯელის უმაღლეს ზომას ითვალისწინებს. | |
|
სულ კომენტარები: 0 | |