`რაც ყველაზე ძალიან გიყვარს 2`- სპეციალური ჩვენება აფხაზეთსა და სამაჩაბლოდან დევნილი ბავშვებისთვის გაიმართა. საქველმოქმედო აქცია სტუდია `ფორმულა კრეატივის` და ლტოლვილთა და განსახლების სამინისტროს ინიციატივით დღეს კინოთეატრ `ამირანში` 500-მდე ბავშვისთვის ჩატარდა.

პატარები კინოსეანსის დაწყებამდე ფილმის მონაწილე მსახიობებსაც შეხვდნენ. როგორ მიმდინარეობდა გადაღებები - ამის შესახებ დევნილ ბავშვებს მიშა მშვილდაძე, `მყუდრო` და ფილმის სხვა პერსონაჟები თავად უყვებოდნენ.