თბილისში დიპლომატიის დღე აღინიშნა. ქართველმა და საქართველოში აკრედიტებული დიპლომატიური კორპუსის წარმომადგენლებმა თარიღი ერთად აღნიშნეს.

ზაქარია ფალიაშვილის სახელობის ოპერისა და ბალეტის თეატრში დიპლომატების პატივსაცემად ნინო ანანიაშვილმა იცეკვა.

საქართველოს საგარეო საქმეთა მინისტრმა გრიგოლ ვაშაძემ ყველა სტუმარს გაწეული მუშაობისთვის მადლობა გადაუხადა. უცხოელი დიპლომატები ღონისძიებით კმაყოფილი დარჩნენ.

`საოცარ წარმოდგენას დავესწარით. ამა თუ იმ ქვეყნის კულტურა არის დიპლომატის ცხოვრების შემადგენელი ნაწილი. ჩვენ ბევრი ქვეყნის ტრადიციების გაცნობა გვიწევს ცხოვრების განმავლობაში და ეს სასიამოვნოა. საქართველო საოცარი ქვეყანაა,`- განაცხადა გერმანიის ელჩმა საქართველოში პატრიცია ფლორმა.