ავღანეთში საერთაშორისო ძალების ვერტმფრენის კატასტროფას მოკავშირეთა 9 სამხედრო მოსამსახურე ემსხვერპლა. ბორტზე მყოფმა კიდევ 4-მა ჯარისკაცმა სხეულის დაზიანება მიიღო, რომელთა შორის ერთი აშშ-ის მოქალაქეა.

საერთაშორისო კოალიციის სარდლობის წარმომადგენლები მხოლოდ იმას იტყობინებიან, რომ ვერტმფრენი 21 სექტემბერს, ავღანეთის სამხრეთ რაიონში ჩამოვარდა და ამის მიზეზი მოწინააღმდეგის თავდასხმა არ ყოფილა.

ამ შემთხვევის გათვალისწინებით, 2010 წლის 9 თვის განმავლობაში ავღანეთში კოალიციის დანაკარგმა 529 სამხედრო შეადგინა. 2001 წელს საომარი მოქმედებების დაწყებიდან მოყოლებული კი მოკავშირეთა სულ 2097 სამხედრო მოსამსახურე დაიღუპა.

მომზადებულია afp.com-ის მიხედვით.