`ყველა სუვერენულ ქვეყანას აქვს უფლება უზრუნველყოს საკუთარი უსაფრთხოება`. ამის შესახებ აშშ-ის თავდაცვის მინისტრმა რობერტ გეიტსმა რუსულ მედიასთან ინტერვიუში განაცხადა. მისი თქმით, აშშ-ის მიერ საქართველოსთვის გაწეული სამხედრო დახმარება მეტწილად განპირობებულია ამ ქვეყნის მონაწილეობით ავღანეთის საერთაშორისო ოპერაციაში.

`ქართველებს თავად სურთ ავღანეთში ჩვენს ოპერაციაში მნიშვნელოვანი წვლილის შეტანა,`- განაცხადა მან.

შეკითხვაზე, გააგრძელებს თუ არა ვაშინგტონი საქართველოსთვის იარაღის მიწოდებას, გეიტსმა უპასუხა, რომ აშშ დაინტერესებულია საქართველოსთვის იმ საშუალებების მიწოდებით, რომლითაც ის ვაშინგტონს ავღანეთში დაეხმარება.