აშშ-ის სახელმწიფო მდივნის მოადგილის უილიამ ბერნსის განცხადებით, აშშ-სა და რუსეთს შორის საქართველოს თემაზე სერიოზული აზრთა სხვადასხვაობაა.

ეს განცხადება ბერნსმა ერთ-ერთი რუსული სააგენტოსთვის მიცემულ ინტერვიუში, რუსეთის პრემიერის ვლადიმირ პუტინის განცხადების კომეტირებისას გააკეთა, რომლის მიხედვითაც, მოსკოვთან ურთიერთობის გადატვირთვის პარალელურად, აშშ აიარაღებს საქართველოს და აღმოსავლეთ ევროპაში რაკეტსაწინააღმდეგო თავდაცვის ელემენტების განლაგებას გეგმავს.

`რაც შეეხება საქართველოს, არ არის საიდუმლო, აშშ-სა და რუსეთს შორის აფხაზეთისა და სამხრეთ ოსეთის სტატუსთან დაკავშირებით, სერიოზული აზრთა სხვადასხვაობაა. თუმცა, ამავე დროს, ჩვენ ვიზიარებთ საერთო ინტერესებს სტაბილურობის ტრანსპარანტულობისა და იმასთან დაკავშირებით, რომ არ მოხდეს ახალი შეიარაღებული კონფლიქტი,` - აღნიშნა ამერიკელმა დიპლომატმა.