მთავარი » 2014 ივლისი 30 » როგორ მოვუაროთ ქოთნის მცენარეებს / rogor movuarot qotnis mcenareebs
11:23 AM როგორ მოვუაროთ ქოთნის მცენარეებს / rogor movuarot qotnis mcenareebs | |
 ყვავილების მხატვრული სალონი "არტ ფლორ დიზაინი" და ირინა დანელია გვირჩევენ... პირველი, რაც ქალბატონი ირინას თხრობიდან ყურში მოგხვდება, მცენარეზე, როგორც ცოცხალ არსებაზე საუბარია. "როცა სახლში მცენარე მოგყავთ..." "თუ ქოთნის ყვავილი გყავთ..." მართლაც, მცენარეები ცოცხალი არსებებია და მათაც ისევე სჭირდებათ ზრუნვა, მოვლა, მოფრება, კომფორტული გარემოს შექმნა - როგორც ჩვენ, ადამიანებს. ქოთანი - როგორი? არსებობს ყვავილები, რომლებიც რაც უფრო პატარა ქოთანში არიან, მით უფრო კარგად ყვავიან. მაგალითად, ყველასათვის კარგად ნაცნობი ამარილისი შეიძლება 4-5 წელიწადს არ აყვავდეს, თუ დიდ ქოთანში მოვათავსებთ. დეკორატიული მცენარეების მოყვარულებმა იციან, როცა ქოთანს ვახსენებთ, იგულისხმება, რომ ქვემოთ ნახვრეტი უნდა ჰქონდეს. არსებობს მეორე "ქოთანი" კაშპო, რომელიც უცხოეთში ათეული წელია ცნობილია და ჩვენთანაც შემოვიდა უკვე. როდის გადავრგათ? კლასიკური სტანდარტით ითვლება, რომ ოთახის მცენარე გადარგვას, გაკრეჭვას, წესრიგში მოყვანას გაზაფხულზე საჭიროებს. გაზაფხულზე ბინებში გათბობის სეზონი მთავრდება. ეს საკმაოდ სტრესული მდგომარეობაა მცენარეებისთვის. რით დავეხმაროთ? ახალი ქოთანი და ახალი მიწა შევიძინოთ, სასუქი მივცეთ... ხშირად ვიტამინებს ხსნიან წყალში და ყვავილებს უსხამენ... ეს არასწორი მიდგომაა. მცენარეს მართალია სჭირდება დამატებითი საკვები, მაგრამ მისი დამატებითი საკვები სასუქია და არა `ვიტამინი". არ გირჩევთ ორგანული სასუქის (იგივე ნაკელი) გამოყენებას. მათში ყველა აუცილებელი საკვები ნივთიერებაა. როცა მცენარე ახალგადარგულია, ითვლება, რომ ახალი მიწა ყველა საჭირო კომპონენტით გაჯერებულია, ამიტომ დამატებითი სასუქის მიცემას ერთი წლის განმავლობაში არ საჭიროებს. მორწყვის რეჟიმი ინდივიდუალურია. არასწორი მიდგომაა, როცა ვთქვათ ოთხ-ხუთ სხვადასხვა სახეობის მცენარეს ერთნაირად ვუვლით, ერთნაირი ინტერვალით ვრწყავთ. ბევრი მორწყვა არ ნიშნავს კარგ ზრუნვას. არიან მცენარეები, რომლებსაც ძალიან ცოტა წყალი სჭირდებათ. არსებობენ მცენარეები, რომლებზეც ეს წესი არ ვრცელდება. ასეთებია მაგალითად, ოთახის კალები, ციპერუსი, რომლებსაც ძალიან უყვართ წყალი... ჩვენთან, წყალი, მოგეხსენებათ, ხისტია, ამიტომ მისი "დარბილებაა" საჭირო. მინიატურული მცენარეებისთვის ხშირად წყალს ყინავენ (დარბილების მიზნით), შემდეგ ადნობენ და მეორე დღეს იყენებენ სარწყავად. გადავრგეთ, ვკვებეთ, მოვრწყეთ... ახლა - ჰიგიენა. ოთახის იებზე, ბუსუსიანფოთლება ყვავილებსა და კაქტუსებზე ეს წესი, ცხადია, არ გამოგვადგება. მათი გასუფთავება ფუნჯით შეგვიძლია. დასაშვებია თმის საშრობის გამოყენებაც, თუმცა ამ შემთხვევაში დიდი სიფრთხილე გვმართებს, რათა მცენარე არ დავაზიანოთ. | |
|
| |
| სულ კომენტარები: 1 | |
 0 | |
