ლეიბორისტული პარტია რესპუბლიკური საავადმყოფოს პრივატიზაციასთან დაკავშირებით ხელისუფლებას ახსნა-განმარტებებს სთხოვს. ოპოზიციურ პარტიას აინტერესებს, იგეგმება თუ არა საავადმყოფოს გასხვისება. ამ საკითხთან დაკავშირებით ბრიფინგი დღეს იოსებ შატბერაშვილმა გამართა. 

`ეს ის რესპუბლიკური საავადმყოფოა, რომელიც უნიკალურია ამიერკავკასიაში არამარტო შენობით და აპარატურით, არამედ მედპერსონალით. ეს საავადმყოფო, არაოფიციალური ინფორმაციით, უკვე გაყიდულია, თუმცა ოფიციალური დოკუმენტი მისი გაყიდვის შესახებ არ არსებობს,` განაცხადა შატბერაშვილმა.

მისი განცხადებით, ინფორმაციის დადასტურების შემთხვევაში, მათი მოთხოვნები შეიცვლება და ისინი დაწესებულების გაყიდვის გადაწყვეტილების შეცვლას მოითხოვენ.