დავით ბაქრაძის განცხადებით, თითოეული ადამიანის მოსაზრება უმნიშვნელოვანესია კონსტიტუციის საბოლოო ჩამოყალიბებისათვის, რაც ხალხის მოთხოვნებს, საჭიროებებს, მათი უფლებებისა და თავისუფლებების დაცვას უნდა ემსახურებოდეს.

ბაქრაძემ პრეზიდენტის ინსტიტუტის შესუსტებასა და პარლამენტის ფუნქციის გაზრდაზე გააკეთა აქცენტი, რაც, მისი თქმით, ევროპული მოდელია და, თავის მხრივ, ევროპული სტანდარტების კანონების მიღებას უწყობს ხელს.

როგორც დავით ბაქრაძე აღნიშნავს, პრეზიდენტს მთავრობის დათხოვნა, მხოლოდ ერთ, ქმედითუუნარობის შემთხვევაში შეეძლება.

საკონსტიტუციო ცვლილებების სახალხო-საყოველთაო განხილვა აგვისტოში უნდა დასრულდეს, რის შემდეგაც განხილვის პროცესი პარლამენტში გადაინაცვლებს. საკონსტიტუციო ცვლილებები ძირითადად სახელისუფლო შტოებს შორის ძალთა ბალანსის აღდგენას და პარლამენტის ფუნქციის გაძლიერებას ითვალისწინებს.