მთავარი » 2010 » აგვისტო » 22 » ბრიტანელები დაჯავშნულ Jaguar XJ Sentinel-ს გამოუშვებენ
2:18 PM
ბრიტანელები დაჯავშნულ Jaguar XJ Sentinel-ს გამოუშვებენ

Ambebi.Geკომპანია Jaguar აგვისტოს ბოლოს მოსკოვის ავტოსალონზე დაჯავშნული სედანის Jaguar XJ Sentinel-ის მსოფლიო პრემიერას მოაწყობს. ავტომობილი В7 კლასის ბალისტიკური დაცვის ფარული ჯავშნით აღიჭურვება. ეს კი ნიშნავს, რომ სედანი ავტომატ АК47-ის ჯერისთვის შეუვალი იქნება და მისი ჯავშანი მგზავრების დაცვას, ავტომობილის სიახლოვეს 15 კგ-იანი ტროტილის ექვივალენტური ასაფეთქებლის აფეთქების დარტყმის ტალღისგან, ასევე ყუმბარის აფეთქებისგან შეძლებს.

XJ Sentinel, ჯავშნის გარდა, მომატებულ მასასთან ადაპტირებული გაძლიერებული დაკიდებით და 19 დიუმიანი გამძლე დისკებით აღიჭურვა. დაჯავშნული XJ 385 ცხ/ძ-ის სიმძლავრის, ატმოსფერული V8 ძრავით იქნება წარმოდგენილი, რომელსაც 100 კმ/სთ სიჩქარის განვითარება 9,7 წამში შეეძლება. ავტომობილის მაქსიმალური სიჩქარე კი 195 კმ/სთ იქნება.

ავტომობილის საბაზო ვარიანტში გათვალისწინებულია კლიმატკონტროლის ოთხსეზონიანი სისტემა, ძვირფასად მორთული სალონი და Bowers & Wilkins-ის აუდიოსისტემა. როგორც კომპანიაში აცხადებენ, ავტომობილის გაყიდვა დებიუტისთანავე დაიწყება.

მომზადებულია lenta.ru-ს მიხედვით.








კატეგორია: ავტო - მოტო | ნანახია: 1160 | დაამატა: allfile | რეიტინგი: 0.0/0
სულ კომენტარები: 0
ComForm">
avatar