კანადაში მალე ქართული ღვინო გაცილებით მეტი გაიყიდება, ვიდრე ეს აქამდე იყო. დეტალების განსახილველად ტორონტოში საქართველოს სოფლის მეურნეობის სამინისტროს დელეგაცია იმყოფებოდა. გადაწყდა, რომ ადგილობრივი ხელისფულება ქართულ პროდუქტს კონკრეტულ კვოტას გამოუყოფს.

გარდა ამისა, უკვე შეიქმნა ქართულ-კანადური ერთობლივი კომპანია, რომელიც ღვინის გაყიდვაზე იმუშავებს. საქართველოს სოფლის მეურნეობის უწყებაში ამბობენ, რომ კანადის ბაზარი ქართული ღვინისთვის ერთ-ერთი ყველაზე პერსპექტიულია.