დიმიტრი მედვედევი და ედუარდ კოკოითი ხვალ სოჭში შეხვდებიან ერთმანეთს. სოხუმში ბაღაფშთან ვიზიტის შემდეგ რუსეთის პრეზიდენტი სამხრეთ ოსეთის მარიონეტული რეჟიმის ლიდერს თავად უმასპინძლებს.

კრემლის პრესსამსახურის ინფორმაციით, კოკოითი რუსეთში სამუშაო ვიზიტით იმყოფება. გასულ კვირას მედვედევი სოხუმში აგვისტოს ომის ორი წლისთავთან დაკავშირებით იმყოფებოდა.