მთავარი » 2010 » ივლისი » 28 » შალამბერიძე პოლონიაშია
12:15 PM
შალამბერიძე პოლონიაშია
09:34 20-07-2010
25 წლის შემტევმა ნახევარმცველმა კობა შალამბერიძემ გასული სეზონი ვოძისლავის "ოდრაში" ჩაამთავრა და ალბათ მალე ახალ კლუბში ვიხილავთ. პოლონურ ვებგვერდ სპორტს.პლ-ის ინფორმაციით, ბიტომის "პოლონიაში" ორი ფეხბურთელია ტესტირებაზე - ქართველი კობა შალამბერიძე და იაპონელი იუ შიმასაკი. ამჟამად პოლონური გუნდი გერმანიაში გადის მოსამზადებელ შეკრებას. ბიტომელებმა ადგილობრივ ქვედალიგოსან "კასელთან" 2:2 ფრე ითამაშა.

"ჩვენი გუნდის მთავარ მწვრთნელს ვესაუბრე. მას ძალიან მოეწონა იაპონელი შიმასაკი. კარგი შთაბეჭდილება დატოვა შალამბერიძემაც. ამ ფეხბურთელების საკითხს, ამ დღეებში გადავწყვეტთ", - პრესასთან საუბარში აღნიშნა ბიტომის "პოლონიას" ვიცე-პრეზიდენტმა ვოიცეხ რუდნიცკიმ.

დაბოლოს, ბიტომის "პოლონიამ" გასული სეზონი მე-7 ადგილზე დაასრულა. პოლონეთში ახალი სეზონი 6 აგვისტოს იწყება. სასტარტო ტურში "პოლონია" "ბელხატოვს" სტუმრად ეთამაშება.



ნანახია: 736 | დაამატა: web-world | ტეგები: შალამბერიძე პოლონიაშია | რეიტინგი: 0.0/0
სულ კომენტარები: 0
avatar