მთავარი » 2010 ივლისი 28 » ჟოზე: ვეძებთ ცენტრს
11:36 AM ჟოზე: ვეძებთ ცენტრს | |
00:49 19-07-2010
ესპანური მედია ამტკიცებს, რომ "რეალის" ახალი პორტუგალიელი თავკაცი
ჟოზე მოურინიო გამალებით ეძებს ახალ ცენტრალურ მცველს გუნდისთვის, თითქოს,
მას უკვე შერჩეული ჰყავს ოთხი კანდიდატი. "მარკას" ინფორმაციით
"განსაკუთრებულმა" თვალი დავიდ ლუიზს (ბენფიკა), ტიაგო სილვას (მილანი),
ნემანია ვიდიჩს (მანჩესტერ იუნაიტედი) და ბრუნო ალვეშს (პორტუ) დაადგა.
ბუნებრივია, ლაპარაკი არ არის ოთხივეს შეძენაზე, მოურინიო მხოლოდ ერთის
აყვანითაც დაკმაყოფილდება. ვიდიჩი დიდი ხანია დაუკავშირეს "სამეფო კლუბს",
თუმცა "მანჩესტერი" მუდამ უარყოფდა სერბი მცველის ესპანეთში გადასვლას,
ერთი ასეთი უარყოფა გუშინაც მოვისმინეთ. სხვათა შორის, "მარკა" იმასაც
იუწყება, რომ "რეალს" არ დაუკარგავს იმედი, რომ მაინც მოახერხებს "ინტერის"
მარჯვენა მცველის, მაიკონის დამატებას. მოკლედ, მოურუნიოს ინიციატივით
"რეალში" ბევრი ცვლილებაა მოსალოდნელი.პორტუგალიურ "ტვ 1-თან" საუბარში ჟოზე მოურინიომ განაცხადა, რომ მან იცის, თუ როგორ "გამოწუროს" კრიშტიანო რონალდოსგან საუკეთესო. მოურინიოს სურს "რეალმა" ისეთი სისტემით ითამაშოს, რომ 25 წლის რონალდომ კარიერაში საუკეთესო სეზონი ჩაატაროს. "გუნდი ასაწყობი და ის ისე უნდა "ავაშენოთ", რომ ვარსკვლავებმა ბოლომდე გამოავლინონ პოტენციალი. კრიშტიანო რონალდოს დარი ფეხბურთელი არაფრით არ უნდა მოათავსო ისეთ ჩარჩოში, სადაც თავს არაკომფორტულად იგრძნობს. მადრიდელთა ხელმძღვანელობამ უკვე მითხრა, რომ რონალდო სამაგალითო ფეხბურთელია, ის საწვრთნელ ბაზაზე პირველი მოდის და უკანასკნელი გადის. "რეალში" ისე არავინ იხარჯება, როგორც კრიშტიანო. დარწმუნებული ვარ, რომ ის დიდი პროფესიონალია და ჩვენ ერთმანეთს კარგად გავუგებთ". შაბათს სეზონი "რეალის" ფეხბურთელთაგან ესტებან გრანერომ გახსნა პრესკონფერენციით. შეგახსენებთ, რომ მას შემდეგ რაც "სამეფო კლუბმა" "ხეტაფესგან" 10 მილიონ ევროდ პედრო ლეონი გადაიბირა, ბევრმა ეჭვის თვალით შეხედა გრანეროს მომავალს "რეალში". "მოურინიოს მეთოდები არის ნათელი, ის იოლად ხსნის, თუ რას ითხოვს ჩვენგან. ვარჯიშები არ ყოფილა დროში გაწელილი, თუმცა ისინი ინტენსიურობით გამოირჩეოდა. ის აქცენტს ბურთთან მუშაობაში აკეთებს და ეს ფეხბურთელებს ძალიან მოგვწონს. მოურინიო ძალიან მომთხოვნი მწვრთნელია, ის ყველასგან ბოლომდე დახარჯვას ითხოვს და თავადაც სულ შრომობს. მჯერა, რომ ის ისეთი მწვრთნელია, აუცილებლად მიგვიყანს დიდ გამარჯვებებამდე. პედრო ლეონთან თითქმის ერთნაირი საფეხბურთო წარსული მაკავშირებს. ის ძლიერი ფეხბურთელია და ეჭვიც არ მეპარება, რომ სასტარტოსთვის დიდ კონკურენციას გაგვიმართავს. გუნდი ხალისიანად ვარჯიშობს დიდი შესვენების შემდეგ, ჩვენ ერთმანეთი მოგვენატრა კიდეც", - განაცხადა გრანერომ ambebi.ge | |
|
| |
| სულ კომენტარები: 0 | |