მთავარი » 2010 ივლისი 28 » ბარსაც იწყებს
11:34 AM ბარსაც იწყებს | |
00:47 19-07-2010
ხუთშაბათიდან წინასასეზონო მზადება მადრიდის "რეალმა" დაიწყო, დღეიდან
კი საქმეს ჩემპიონი "ბარსელონაც" შეუდგება. როგორც "სამეფო კლუბის"
შემთხვევაში, "ბარსას" შეკრებასაც სრულყოფილს ვერ ვუწოდებთ, "დამნაშავე" კი
კვლავ მუნდიალია...ბუნებრივია, ხოსეპ გვარდიოლას, რომელმაც ახლახან სეზონის ბოლომდე გაახანგრძლივა კონტრაქტი "ბარსელონასთან", არ ეყოლება ის ფეხბურთელები, რომელთაც მუნდიალზე მიიღეს მონაწილეობა. ასეთი კი ბევრია, ბოლობოლო "ბარსელონამ" მსოფლიოს კლუბებიდან ყველაზე მეტი წარგზავნა მსოფლიოს ჩემპიონატზე და ყველაზე მეტიც დაუბრუნდა ჩემპიონის რანგში. გვარდიოლა 28 ფეხბურთელით იწყებს, რომელთაგანაც 17 (!) კლუბის პირველი და მეორე სარეზერვო გუნდების წარმომადგენლები არიან. ინფორმაციის გაჩენისთანავე ამ სიით დავინტერესდით, რადგან გვეიმედებოდა, რომ მათ შორის ქართველი გიორგი ჭანტურია იქნებოდა, მაგრამ, სამწუხაროდ, ასე არაა. 28 ფეხბურთელი დღეს დილის 9 საათზე ჟოან გამპერის ცენტრში გამოცხადდება სამედიცინო შემოწმების გასავლელად. მაშ ასე, გთავაზობთ იმ 11 ფეხბურთელის სიას, რომელიც დღეიდან შეუდგება ახალი სეზონისთვის მზადებას: პინტო, მილიტო, მაქსველი, ადრიანო, კეიტა, ჟეფრენი, იბრაჰიმოვიჩი და კრკიჩი. ასევე ვიქტორ სანჩესი, ენრიკე და ჰლები, რომელთა "ბარსელონური" მომავალი ეჭვქვეშაა. ეს სამეული გასხვისებული იყო იჯარის წესით (შესაბამისად, "ხერესში", "რასინგში" და "შტუტგარტში") და დაუბრუნდა კატალონიურ გუნდს, ხელახალ გასხვისებამდე. 17 ახალგაზრდიდან გამოვყოფთ ჯონათან დოს სანტოსს (რომელიც ბოლო წამს აღარ შეიყვანეს მექსიკის ნაკრების სამუნდიალე განაცხადში) და ვიქტორ ვასკესს. მთელი კვირის განმავლობაში "ბარსა" დღეში ორჯერ ივარჯიშებს ინტენსიურად, დილაობით და საღამოობით (გამონაკლისი დღევანდელი შეკრებაა, სადაც დიდი ყურადღება დაეთმობა სამედიცინო ტესტებს), "ბარსელონა" მხოლოდ უქმეებზე დაისვენებს. მოკლედ, ჩემპიონი სერიუზულად შეუდგება საქმეს, ფაქტია, კონკურენტი "რეალი" კიდევ უფრო ძლიერდება... შაბათს ადრიანო კორეიამ ხელი მოაწერა "ბარსასთან" ოთხწლიან ხელშეკრულებას. შემდეგ ის მედიას სანდრო როსელმა წარუდგინა, ანდალუსიური კლუბის ყოფილი მცველის პრეზენტაცია კი დღეს გაიმართება. "თავს უბედნიერეს ადამიანად მივიჩნევ. ერთი სული მაქვს, როდის დაიწყება შეკრება და როდის გავიცნობ ახალ თანაგუნდელებს. ეს ნამდვილი ოცნებაა, რომელიც ასრულდა, როცა გავიგე, რომ ჩემით "ბარსელონა" დაინტერესდა და ტრანსფერის წინააღმდეგი არც "სევილია" იყო, დედამიწის ზურგზე ჩემზე ბედნიერი კაცი არ მეგულებოდა. ძალიან ამაღელვებელი მომენტია, ახლახან მსოფლიოს საუკეთესო კლუბთან გავაფორმე კონტრაქტი. ახლა გვარდიოლას განკარგულებაში ვარ, სადაც სურს იმ პოზიციაზე ვითამაშებ, "ბარსელონასთვის" ბოლომდე დავიხარჯები", - განუცხადა ბრაზილიელმა "ბარსა ტვ-ს". დღეს შეკრების გახსნასთან დაკავშირებით მედიას პეპ გვარდიოლა წარუდგება და გუნდის გეგმებზე ილაპარაკებს. შეხვედრა ადგილობრივი დროით 11 საათზეა დაგეგმლი და "ბარსა ტვ" მას პირდაპირ ეთერში აჩვენებს. "ბარსელონას" მწვრთნელთა შტაბში ერთი სიახლეა, გუნდის მეკარეთა მწვრთნელი ამიერიდან ყოფილი გოლკიპერი კარლეს ბუსკეტსი იქნება. ბუსკეტსი 7 სეზონი "ბარსელონა ბ-ში" მოღვაწეობდა, პოსტზე კი ხუან კარლოს უნსუე შეცვალა. ბუსკეტსმა ფეხბურთელის კარიერა "ლეიდაში" 2003 წელს დაასრულა. ერთი კვირის წინათ, "ბარსელონას" მეორე გუნდი ებრაელმა შემტევმა გაი ასულინმა დატოვა, რომელსაც კლუბმა კონტრაქტი აღარ გაუგრძელა. ასულინი "ბლექბერნ როვერსში" მივიდა, სადაც ერთკვირიან სინჯებს გადის. შეგახსენებთ, რომ ასულინი 12 წლის ასაკიდან "ბარსელონას" აკადემიაში იზრდებოდა და ის მსოფლიო ფეხბურთის ერთ-ერთ მომავალ ვარსკვლავად მიიჩნევა. ასულინს ესპანური მოქალაქეობაც აქვს, ამიტომ თუკი სემ ელერდაისს ფეხბურთელი მოეწონება, კლუბი მას უპრობლემოდ გაიფორმებს. "ბარსელონას" პირველი ამხანაგური მატჩი 29 ივლისსაა, როცა კატალონიური გრანდი ნორვეგიულ "ვალერანგას" შეხვდება ambebi.ge | |
|
| |
| სულ კომენტარები: 0 | |