მთავარი » 2010 ივლისი 28 » ფინიშის სწორზე
11:27 AM ფინიშის სწორზე | |
10:27 28-07-2010
ბერძნულ პალეოხორაში დასასრულს უახლოვდება მოჭადრაკეთა საერთაშორისო
ტურნირი, რომელშიც 26 ქვეყნის 238 ქალ-ვაჟი მონაწილეობს. მათ შორის 5
საქართველოს წარმომადგენელია. გუშინ მე-7 ტურში მალხაზ სულაშვილი რუს
დიდოსტატ ალექსანდრ ხარიტონოვს შეუთანხმდა ყაიმზე. საერთოდაც, ლიდერთა
ჯგუფში 10-დან მხოლოდ 2 შეხვედრა აღმოჩნდა შედეგიანი: ბელა ხოტენაშვილმა
რუს დიდოსტატ ევგენი ვორობიოვს სძლია, უკრაინელმა ალექსანდრ ზუბარევმა კი
იტალიელი დენის რომბალდონი დაამარცხა. დაზავდნენ: იური კრივორუჩკო
(უკრაინა)-მისა პაპი (სერბეთი), ანდრეი რიჩაგოვი (რუსეთი)-ხრისტოს ბანიკასი
(საბერძნეთი), ადამ ტუხაევი (უკრაინა)-რობერტ ფონტენი (საფრანგეთი),
ანდრეი ორლოვი (რუსეთი)-ნიკიტა მაიოროვი (ბელარუსი), ლუკიან ფილიპი
(რუმინეთი)-ვიორელ იორდაჩესკუ (მოლდოვა), იოანის გეორგიადისი
(საბერძნეთი)-ვლადისლავ ბოროვიკოვი (უკრაინა), რაო პრასანა (ინდოეთი)-მირჩა
პარლიგრასი (რუმინეთი).ქართველთაგან გუშინ წარმატებას მიაღწიეს ნინო ბაციაშვილმა და ალექსანდრა ვახანიამ, რომლებმაც, შესაბამისად, ანტონიო ვილარისა (ესპანეთი) და ანტონია ხრისტოდულაკის აჯობეს, ანა გავაშელმა კი ინგლისელ ლორან დ,კოსტასთან წააგო. შეჯიბრების დამთავრებამდე 2 ტურით ადრე 6,5 ქულით ისევ კრივორუჩკო ლიდერობს. მას ნახევარ-ნახევრი ქულით პაპი, რიჩაგოვი და ზუბარევი ჩამორჩებიან. 10 მოჭადრაკეს 5,5-5,5 ქულა აქვს, მათ შორის - ხოტენაშვილსა და სულაშვილს, ბაციაშვილს-5, ვახანიას-4,5, გავაშელს-4 ქულა. ambebi.ge | |
|
| |
| სულ კომენტარები: 0 | |