მთავარი » 2010 » აპრილი » 29 » Adriano Celentano - ადრიანო ჩელენტანო
11:02 PM
Adriano Celentano - ადრიანო ჩელენტანო



მსოფლიოში პირველმა, იტალიურად როკ-ენ-როლი შეასრულა.
მსოფლიოში პირველმა, რეპის სტილში სიმღერა დაწერა.
მსოფლიოში პირველმა, თავისი სახელობის ხმის ჩამწერი სტუდია შექმნა.
იტალიაში პირველმა გადაიღო ვიდეოკლიპი.
მსოფლიოში პირველმა, მწვავე სოციალურ პრობლემებზე შეასრულა სიმღერა.
პირველი შოუმენია, რომელმაც მოქმედი პრემიერ-მინისტრის საწინააღმდეგო გადაცემა წაიყვანა, მისივე არხზე...
შემოქმედების ორმოცი წლის მანძილზე, მისი ოცდაათზე მეტი ალბომი, 70 მლნ ტირაჟით გაიყიდა.

იტალიელი მსახიობი, საესტრადო მომღერალი, კომპოზიტორი და რეჟისორი ადრიანო ჩელენტანო 1938 წლის 6 იანვარს მილანში დაიბადა. ღარიბი, მაგრამ მუსიკალური ოჯახი ჰქონდა. თუმცა ადრეანოს მუსიკაზე მეტად საათები იზიდავდა. 12 წლისამ საათების სახელოსნოში დაიწყო  მუშაობა.  ასაკთან ერთად, მუსიკის მიმართ ინტერესი გაუღრმავდა... 1955 წელს ადრიანოს მეგობარმა, მიქელე დელ პრეტემ თავისი ლექსები წააკითხა… მათი ერთობლივი მუშაობა იმ წუთიდან დაიწყო...  1957 წელს ის მილანის სპორტის სასახლეში როკ-ენ-როლის კონკურსის - „კიაჩო" გამარჯვებული გახდა. მისი სიმღერა „მე გეტყვი შენ ჩაო"-ს კონკურსის სამკაულად იქცა. 1961 წლის 19 დეკემბერს ადრიანომ საკუთარი ხმის ჩამწერი სტუდია „ჩელენტანოს კლანი" დააარსა. ამჟამად სტუდიას მომღერლის ძმა, ალესანდრო უძღვება. 1962 წელს კონკურსში „კანცონისიმო" გამარჯვებას, საფრანგეთსა და ესპანეთში გასტროლები მოჰყვა.

ერთი წლის შემდეგ,  ჩელენტანო ფილმში „Uno strano tipo" მომავალ მეუღლესთან - კლაუდია მორისთან ერთად გადაიღეს. 1964 წელს კლაუდია და ადრიანო დაქორწინდნენ. 1966 წელს, სან-რემოში მომღერალმა ახალი სიმღერა „Il ragazzo della via Gluck" წარუდგნა მსმენელს. სიმღერა ოცდაორ ენაზე შესრულდა და ჰიტ-პარადებში ლიდერობდა. მუსიკალური საქმიანობის პარალელურად, ჩელენტანო კინომატოგრაფიით იყო დაინტერესებული. ის ორმოცამდე ფილმშია გადა ღებული. მათ შორის იყო: ფედერიკო ფელინის - „La Dolce vita"; „Super rapina a Milano"; „Yuppi du"; „Bluff storia di truffe e di imbroglioni"; „Il bisbetico domato"; „Bingo-Bongo". 80-იან წლებში ერთ–ერთ ტელეარხზე, გადაცემა „ფანტასტიკოს" წამყვანად მოგვევლინა. ამჟამად მილანიდან 100 კილომეტრში, საკუთარ ვილაში მეუღლესთან და სამ შვილთან (როზიტა, ჯაკომო და როზალინდა) ერთად ცხოვრობს. 1999 წელს კი, მისი ახალი დისკი „Io non so parlar d'amore" გამოვიდა.

პერსონალური ვებ–გვერდი: http://www.clancelentano.it


დისკოგრაფია:

  • „Celentano" – 1959 – 64
  • „Svalutation’ – 1976
  • „Disco Dance" – 1976
  • „Tecadisk" – 1977
  • „Un Po` Artista Un Po` No" – 1980
  • „Atmosfera" – 1983
  • „Miei Americani Tre Puntini, Vol. 2 – 1984
  • „Joan Lui" – 1985
  • „Re Degli Ignoranti" – 1991
  • „Quel Punto – 1994
  • „Ti Avro’ – 1994
  • „Arrivano Gli Uomini" – 1996
  • „Io Non So Parlar d`Amore" – 1999
  • „Per Sempre" - 2002








კატეგორია: ბიოგრაფიები | ნანახია: 1633 | დაამატა: allfile | ტეგები: Il bisbetico do, ადრიანო ჩელენტანო, Bluff storia di truffe e di imbrogl, Yuppi du, Adriano Celentano, Uno strano tipo, Super rapina a Milano | რეიტინგი: 0.0/0
სულ კომენტარები: 0
avatar