როგორც შემსრულებელი საკუთარ ვებ-გვერდზე იუწყება, ფირფიტა „Recovery"
ლეიბლში „Aftermath/Interscope" 22 ივნისს გამოვა. ალბომის ჩაწერაში
მონაწილეობა მიიღეს: DJ Khalil, Just Blaze, Jim Jonsin და Boi-1da.

თავდაპირველად იგეგმებოდა, რომ ალბომი რეპერის ბოლო ფირფიტის „Relapse"
ლოგიკური გაგრძელება უნდა ყოფილიყო და ახალი ნამუშევრისთვის მას
სახელწოდებაც კი შერჩეული ჰქონდა - „Relapse 2". თუმცა, ახალი სტუდიური
ალბომი მისი წინამორბედისგან აბსოლიტურად განსხვავებული გამოვიდა.

ფირფიტა „Relapse", რომელსაც სალიდერო პოზიციები ეკავა ამერიკის და დიდი
ბრიტანეთის ჰიტ-აღლუმებში, 2009 წელს რეპ-ალბომებს შორის ყველაზე გაყიდვად
ალბომად იქნა აღიარებული. ფირფიტამ აგრეთვე მოიპოვა „გრემის" ჯილდო; საერთო
ჯამში, კი ემინემი 11 ოქროს გრამაფონის მფლობელია. გასულ წელს ჟურნალმა
„Billboard", რეპერი ათწლეულის მთავარ არტისტად აღიარა.