ქეთი დოლიძე თეატრიდან წასვლას არ აპირებს. განცხადება მან სპეციალურ ბრიფინგზე გააკეთა და ჟურნალისტების კითხვებს უპასუხა. რეჟისორი კინომსახიობთა თეატრის სამხატვრო ხელმძღვანელის თანამდებობიდან მის გათავისუფლებას პოლიტიკურ გადაწყვეტილებად აფასებს და აცხადებს, რომ თეატრში მუშაობას განაგრძობს და ყველა იმ პროექტს განახორციელებს, რომელიც დაგეგმილი ჰქონდა.

რეჟისორის  განცხადებას კულტურის, ძეგლთა დაცვისა და სპორტის მინისტრი ნიკოლოზ რურუა გამოეხმაურა. იგი ქეთი დოლიძეს თუმანიშვილის თეატრში რეჟისორად დარჩენას სთავაზობს.