ლეიბორისტული პარტიის წევრები და პარტიის ლიდერის დაცვის რამდენიმე წევრი გაათავისუფლეს. სამართალდამცველებმა ისინი გუშინ საღამოს საპროტესტო აქციის დროს აიყვანეს.

დიღომში, აგრარული უნივერსიტეტის მახლობლად შრომის პარტია ნარგავების უკანონოდ გაჩეხვას აპროტესტებდა. აქციას პოლიციასთან შელაპარაკება მოჰყვა. ამ მიზეზით კი ლეიბორისტული პარტიის ორი წევრი და შალვა ნათელაშვილის დაცვის სამი წევრი დააკავეს.

მომხდართან დაკავშირებით გამოძიება გრძელდება. თვითმხილველების დაკითხვა დღეს ისევ განახლდება.