ახლახანს ამერიკულმა ჟურნალმა Game Developer თამაშების ინდუსტრიაში ხელფასების რეალური ციფრები დაასახელა.

როგორც გვაცნობებენ, 2008 წელს აშშ-ს საშუალო დეველოპერი იღებდა $79,000 წელიწადში, რომელიც 7%-ით მაღალია 2007 წლის მონაცემებზე.

მენეჯერებს თუ არ ჩავთვლით ყველაზე მეტს პროგრამისტებს უხდიან, კერძოდ $85,000 წელიწადში; ისინი, ვისაც 6 ან მეტი წლის სტაჟი გააჩნიათ 26%-ით მეტსაც იღებენ. მეორე ადგილზე დგანან პროექტის პროდუსერები, საშუალოდ ისინი წელიწადში $82,900 დოლარს იღებენ და ბოლო წელს ხელფასი $4,200-ით გაეზარდათ. მესამე ადგილზე არიან ხმის რეჟისორები - $78,200 და $4,800 მატება.

მხატვრები და ანიმატორები $69,500-ს იღებენ და კარგი პორტფოლიოსთვის მთელი 35%-ითაც უზრდიან ხელფასს. შემდეგ მოდიან გეიმდიზაინერები წელიწადში საშუალოდ $67,400 ხელფასით, ამასთან ამერიკის დასავლეთ სანაპიროზე ეს რიცხვი 12%-ით დიდია.