გუშინ, 19 მარტს, გარდაიცვალა ადამიანი, რომელსაც შეიძლება ეწოდოს XX საუკუნის ერთ-ერთი მნიშვნელოვანი ცდომილების, კაცობრიობის დიდი მომავლის, აპოლოგეტი - არტურ კლარკი (Arthur C. Clarke).

მან პირველმა (1945 წელს) გამოთქვა აზრი იმის შესახებ, რომ დედამიწის გეოსინქრონული
ორბიტები შეიძლება იყოს გამოყენებული კავშირგაბმულობის თანამგზავრებისთვის. დღეს ეს რეალობაა - პრაქტიკულად ყველა სოკომუნიკაციო სისტემა მუშაობს ამ პრინციპზე. კლარკმა არ დააპატენტა ეს გამოგონება, ვინაიდან მიაჩნდა რომ ეს იდეა უნდა ემსახურებოდეს მთელ კაცობრიობას.

არტურ კლარკი იყო (აიზეკ აზიმოვთან ერთად) სამეცნიერო ფანტასტიკის (Sci-Fi) ერთ-ერთი ფუძემდებელი, მეცნიერი და აგრეთვე მეცნიერების ბრწყინვალე
პოპულარიზატორი.

თუმცა უმეტესობა არ იცნობს მას როგორც მეცნიერს, სტენლი კუბრიკის გახმაურებული ფილმი ”კოსმოსური ოდისეა 2001” ცნობილია ყველასთვის. ფილმის სცენარი ეკუთვნის არტურ კლარკს (კუბრიკთან ერთად). კლარკის ბიბლიოგრაფია მოიცავს ოცდაათიოდე რომანს, უამრავ მოთხრობას და სამეცნიერო-პოპულარულ ნაშრომს.

XX საუკუნეს მოაკლდა კიდევ ერთი სახე.