ინპორმაცია მოგეცემატ ქარტულ ენაზე

- უპირველესად, ასეთი ვარჯიშები, საქართველოს ჩემპიონატში მოთამაშე ფეხბურთელებისათვის დამატებითი სტიმულია. ეროვნული ნაკრების არცერთ მწვრთნელს ჯერ მსგავსი რამ არ გაუკეთებია და ცხადია, კუპერის ეს ნაბიჯი მისასალმებელია” - განუცხადა ”მსოფლიო სპორტს” საგურამოში გამართული ვარჯიშის შემდეგ ეროვნული გუნდის ნახევარმცველმა.

ალბათ ის ფაქტი რომ ექტორ კუპერი ეროვნული ჩემპიონატის მატჩებს ესწრება ფეხბურთელებზე მხოლოდ დადებითად აისახება ?
- ცხადია, როდესაც მოთამაშემ იცის, რომ ნაკრების მწვრთნელი აკვირდება და შესაძლოა, შეკრებაზეც გამოიძახოს, ორმაგად მონდომებული ხდება. მაგალითად, ამჯერად კუპერმა გუნდში მეკარეები - რევაზ თევდორაძე და მირზა მერლანი, ასევე ნახევარმცველი ზაზა ჭელიძე მიიწვია.

იმ პერიოდის განმავლობაში რაც არგენტინელ სპეციალისტთან მუშაობა გიწევთ მასზე როგორ შთაბეჭდილება შეგექმნა ?
- მასზე კარგის მეტი არაფერი მეთქმის. კუპერი რამდენადაც მაღალი დონის მწვრთნელია, იმდენად კარგი ადამიანია.

ვარჯიშის დროს კუპერი აქცენტს ძირითადად რაზე აკეთებს ?
- სამშაბათობით როდესაც ვვარჯიშობთ, მთელი ყურადღება ტაქტიკას ეთმობა. დღეს, თითქმის ორსაათიანი წვრთნა გვქონდა და აქცენტი სულ კომბინაციურ თამაშზე, ასევე პრესინგზე გაკეთდა.

დღევანდელ ვარჯიშზე კუპერს ნაკრებში შემდეგი ფეხბურთელები ჰყავდა გამოძახებული:

მეკარეები :გიორგი ლომაია (”ლოკომოტივი”), მირზა მერლანი (”ოლიმპი”), რევაზ თევდორაძე (”გაგრა”)

მცველები: დავით გიგაური (”გაგრა”), ნოდარ მაჭავარიანი (”ოლიმპი”), გურამ კაშია (”დინამო”), ალექსანდრე კვახაძე (”ვიტ ჯორჯია”), უჩა ლობჟანიძე (”ზესტაფონი”), ზაალ ელიავა (”დინამო”), გიორგი სეთურიძე (”ოლიმპი”)

ნახევარმცველები: დავით ოდიკაძე (”დინამო”), ლევან ხმალაძე (”დინამო”), ლუკა რაზმაძე (”ვიტ ჯორჯია”), მურთაზ დაუშვილი (”ზესტაფონი”), ირაკლი კლიმიაშვილი (”ვიტ ჯორჯია”), ზაზა ჭელიძე (”სიონი”)

თავდამსხმელები: გიორგი მერებაშვილი (”დინამო”), ბექა გოცირიძე (”ზესტაფონი”), რატი ალექსიძე (”ლოკომოტივი”).